Бүгін мектебіміздің қабырғасында «Заң және Тәртіп» тақырыбында мазмұнды аудандық семинар болып өтті. Семинардың құрметті қонақтары: * Алатау ауданы білім бөлімінің маманы — Ерасыл Марсұлы; * Алатау ауданы мектептерінің тәрбие ісі жөніндегі орынбасарлары. Іс-шара аясында мектебіміздің білікті ұстаздары 9-сынып оқушыларына арналған ашық сынып сағаттарын жоғары деңгейде өткізді. Оқушылар құқықтық сауаттылық, жауапкершілік пен тәртіптің маңыздылығы жайлы өзара пікір алмасып, құнды мәліметтер алды.

Ұрпақтар сабақтастығы: Ерлікке тағзым! 🇰🇿 23-ші сәуір күні мектебіміздің «Жас сарбаз» ұйымының мүшелері киелі 28 панфиловшылар саябағында Жеңіс күніне орай салтанатты марш көрсетті. Осынау айбынды шара — өшпес ерлік көрсеткен батыр бабаларымыздың рухына тағзым ету мен жас буынның отансүйгіштік қасиетін паш етудің айқын көрінісі. Сап түзеген сарбаздарымыздың нық қадамы мен жігерлі жүзінен елге деген шексіз мақтаныш сезімі есіп тұрды.