"Алтын сақа" мектепішілік олимпиадасы өтті

3–10 қазан аралығында мектебімізде 3, 4, 5, 6-сынып оқушылары арасында “Алтын сақа” атты мектепішілік математикалық олимпиада өткізілді. Іс-шараның негізгі мақсаты – оқушылардың логикалық және сыни тұрғыдан ойлау қабілеттерін дамыту, математикалық сауаттылығын арттыру, сондай-ақ пәнге деген қызығушылығын ояту және дарынды білім алушыларды анықтау болып табылады.
Олимпиадаға барлығы 78 оқушы қатысып, өздерінің білім деңгейін, есеп шығару дағдыларын және ойлау жылдамдығын көрсетті. Жарыс барысында оқушылар әртүрлі деңгейдегі тапсырмаларды орындап, өзара бәсекеге қабілеттілігін танытты.
“Алтын сақа” олимпиадасы оқушылардың математика пәніне деген сүйіспеншілігін арттырып, олардың зияткерлік қабілеттерін шыңдауға бағытталған маңызды іс-шара болып табылады.