KIVA бағдарламасы

📌Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауын жарияланғаны белгілі. Президент Жолдауда балаларға қарсы жасалатын қылмыстарға, буллингке жол бермеу туралы және зорлық-зомбылық пен қысымға, яғни буллингке тап болғандарға көмек көрсетуге арналған бағдарлама әзірлеу керектігін тапсырды. Соған байланысты Парламент палаталарының бірлескен отырысынан кейін ҚР Оқу-ағарту министрі Ғани Бейсембаев мектептегі буллингпен күресте Финляндияның KiVa бағдарламасы қолданылатынын айтып өтті.

📚Осы орайда 2024 жылдың 26 қаңтарында Алматы қаласы Білім басқармасына қарасты №209 мектеп-гимназиясында «КiVaны оқу процесіне енгізудің практикалық аспектілері» тақырыбында шеберлік сағаты өткізілді. Іс-шараға Алматы қалалық Білім басқармасы тәрбие және қосымша білім беру бөлімінің басшысы Б.М.Тажиева, қалалық білім берудегі жаңа технологиялардың ғылыми-әдістемелік орталығы жанындағы психологиялық қолдау бөлімінің басшысы В.С.Коканова, Алатау ауданы ББ басшысы Қ.М.Ақмұрзаева және Алматы қаласы мектептерінің 200-ден астам психологтары қатысты.

📌KiVa (Kiusamisvaba) — бұл мектептердегі буллингті азайтуға бағытталған бағдарлама, яғни әлімжеттіктің алдын алу.
🇫🇮2006 жылы Финляндия үкіметі әлімжеттік пен күресті басымдық деп шешіп, осы бағдарламаны іске асырған мемлекет болып танылды. Мектеп директоры шеберлік сағатында Финляндияда өткен тағылымдама алмасу сапары барысында жинақтаған тәжірибесін әріптестерімен бөлісті.